Friday, July 15, 2011
النهارده الفطار يابهوات طبق كشرى وحنزود شويه الصلصه والشطه وربنا يستر
Namir Noseir
and
Samir El-Dardiry
commented on your
post
.
Nazmy Ahmed
النهارده الفطار يابهوات طبق كشرى وحنزود شويه الصلصه والشطه وربنا يستر
4 hours ago
·
Like
·
·
Unsubscribe
Mohamed Sourour
الكشرى من اكثر الوجبات الصحية لاحتوائه على معظم العناصر الغذائية كذلك لانه تطبيق جيد للهرم الغذائى
Thursday at 11:43am
·
Like
Medhat Halawany
بلهنا والشفا كان نفسي اكون معاكم
Thursday at 6:53pm
·
Like
Namir Noseir
نفسى فى طبق كشرى من مطعم جحا جانب قهوه أم كلثوم فى شارع طلعت حرب ونبلعه فى 5 دقائق بدون مضغ قبل قطر الصعيد ما يطلع و تنسونى فى القاهره
12 hours ago
·
Like
Samir El-Dardiry
وأنا كمان مطعم جحا دايما يفكرنى بأبوزهرةز الأول كشرى وبعد نصف ساعة رغيف الحواوشى كان أيامنا بخمسة صاغ وبعدين بقى بعشرة.
12 hours ago
·
Like
Namir Noseir
آه يا زمان !
12 hours ago
·
Like
Nazmy Ahmed
ونسيتم الأمريكين والجيلاتى بتاعه " تروا بيتى كوشون " تروق نفسك بيها بعد أكله الكشرى
11 hours ago
·
Like
Namir Noseir
مزاج عجيب و عمرى ما جربته : كشرى يليه ثلاث خنازير صغيره من الجيلاتى بالكريمه و مسكوتايه طعمه !!!
11 hours ago
·
Like
Nazmy Ahmed
رحله القاهره لم تكن تحتسب أو تكتمل دون طبق الكشرى عند سحس أو جحا ثم الجلوس فى أمريكين عماد الدين لتناول الجيلاتى الشهير
11 hours ago
·
Like
Samir El-Dardiry
لما تحب تغيير القاعدة تروح على جروبى ولاباس - كنا يوميا نلف على الثلاثة أنا والمرحوم أبو زهرة وحسن شعبان.
8 hours ago
·
Like
Namir Noseir
أكيد يا سمير الكلام ده بعد التخرج من الكليه , مين كان معاه الفلوس دى كلها أيام الدراسه ؟
7 hours ago
·
Like
Samir El-Dardiry
طبعا بعد التخرج.... أبو زهرة كان الزعيم .. نخرج من الطاقة الذرية على ميدان التحرير ومن هناك نلف وناكل وبعدين عشان نهضم نروح نشرب أسباتس اللى على الغطاء بتاعها الدبانة ..... بعدها يروح أبوزهرة النادى الرياضى يعمل تخسيس ونرجع ناكل تانى على ال
ساعة عشرة مساءا. وبقيت المرتب وكان 37.5 جنيه صافى كنا نسافر بيه أسكندرية 4-5 مرات فى الأتوبيس الصحراوى المكيف وكان يطلق عليه البولمان. كان لازم نروح أسكندرية مرة على الأقل فى الأسبوع عشان نعمل صيانة أسبوعية وللتوضيح أعمال عسيل ومكوى وأكل نظيف بالخضار أو سمك من الأباصيرى اللى كان فى الميدان وكان السمك يجيبه من أدكو ..... أيام........ وليالى...
5 hours ago
·
Like
Namir Noseir
فعلا يا سمير أيام لن تعاد , و لعلمك بالنسبه للمرحوم أبو زهره , كل ما أفتكره الان لا أرى غير الوجه و عليه ابتسامه. و سبحان الله بعض الاشخاص تفتكرهم مبتسمين و البعض الاخر تفتكرهم مكشرين. الله يرحم أبو زهره و يغفر إليه.
4 hours ago
·
Like
فين المبني العريق ده
Nadia Nosseir
فين المبني العريق ده
By:
Eihab Samy
12 hours ago
·
Unlike
·
You,
Mohamed Sourour
and
Bahira Kh
like this.
Nazmy Ahmed
فى رحبات هذه المباتى كم إلتقيتتا
فى مدرجاته كم من النظربات تلقينا
فى ممراته من صعوبه إمتحاناته إستوينا
أمام مبانيه من حراره الشمس كم إتشوينا
كم من صداقات وكم من ذكريات جمعت بين قلبينا
كم من سندوتشات الفول والفلافل من البوفيه إشترينا
فرقت بيننا الأيام والسنين ولكن على صفحات الفيسبوك إلتقينا
مبنى إعدادى مدرج واحد مبنى الإداره أماكن نركت بصماتها علينا
أواه يافلبى لو رحعت بنا الأيام لأسير مع أصدقائى الهوينا
أين من الصبيان مجدى وسعيد وحسن ومن البنات ساميه وسعاد وبثينه
لقد جرت السنين وأصابنا المشيب ولكنى مازلت أهفوا لما كان لدينا
Thursday at 2:24am
·
Like
·
1 person
Nadia Nosseir
رائع رائع رائع يا اخى نظمى رجعتنى 40 سنة الى الوراء اشكرك على هدا الكلام الجميل انت حقيقى موهبة ربنا يحفظك ويبارك فيك
Thursday at 2:29am
·
Like
Namir Noseir
نظمى ، اعتقد ان كلامك الجميل بيغطى شعوررنا جميعا مهما كانت ظروفنا او مكان تواجدنا.
Thursday at 10:53am
·
Like
Nazmy Ahmed
عمرك ما حتخرج من غير ما تعدى على مبنى إعدادى
مهما حاولت أوعافرت حتى لو كان إسمك وائل أو شادى
لايمكن أن تتخرج من غير ما تشترى من بتوع الأتحاد الشيت
حتى لو إستلفت الشيت من حد أو غشيت
موش حتنجح فى الرياضه من غير مسائل دكتور عباسى
تاخد 20 مسأله تذاكرهم وإوعى تيجى الأمتحان لحلهم ناسى
شرحه حلو ومفيد الدكتور صادق بشاره
بي إوعى فى الأمتحان تغلط فى وضع الأشاره
أقولك إيه عن ستراكشر الدكتور دبوان
اًصل الكلام عن الفريم حيجدد الأحزان
زملائى فاكرينى فاهم الوصفيه
مع أن الحقيقه أنا ناقل اللوحه ديه
لاحضرت طبيعه الدكتور السبع ولا حراره الدكتور شريف
ولا حتى المعمل لأنهم قالولى الأمتحان حييجى خفيف
دائما أتأخر على محاضره يوسف نيقولا
ماعرفش ليه فى الجدول حطينها محاضره أولى
موش كل إللى دخل الهندسه إتخرج وخد الشهاده
لأنه طبعا فى ناس فى منتهى البلاده
لو كانوا بياخدوا الغباب والحضور فى أوده الجواله أو البوفيه
لكان زمانى من الأوائل وأتعينت معيد والناس قالو لى يابيه
Thursday at 12:32pm
·
Like
·
1 person
Nadia Nosseir
تجنن شكرا يا نظمى
Thursday at 12:37pm
·
Like
Ahmed Refaie
يا مؤرخ الزكريات لجيل هندسه اسكندريه 60 اشكرك من اعماق قلبي ونهنء انفسنا بك يا عظيم كمل المشوار ونحن وراءك
Thursday at 2:46pm
·
Like
Namir Noseir
like and more !
Thursday at 3:03pm
·
Like
Mohamed Sourour
يا تادية انت و نظمى بدوسوا على الجرح اللى هو افتقاد هذه الايام الجميلة من كل النواحى والتى كلما تذكرتها تاوهت بشدة سامحكم الله
Yesterday at 1:02am
·
Like
Namir Noseir
سرور ، بالنسبه لى فانا دائماً بارجع الى ذكريات الستينات للحصول على شويه طاقه كلما تتعقد الامور اليوميه ، الذكريات الجميله بتعطينى نظره ايجابيه على كثير من سلبيات العصر الحاضر.
Yesterday at 1:12am
·
Like
Bahira Kh
يااااااه ه ه ه ذكريات أيام الشباب الأول ..... تصورى يا نادية كان حلمى فى ثانوى أدخل المبنى ده مش مهم الكلية دى ... تعرفى من أد ايه ما دخلتوش ؟؟؟ عمر طويل مش متذكره ... يمكن من الدراسات العليا فى 73 .. أو يمكن بعدها دورة تدريبية على أو ل جهاز كمبيوتر ؟؟ ... الطريف كان فى قاعة ضخمة بالدور العلوى من مبنى الإدارة ... دلوقت الكمبيوتر قد الكف
23 hours ago
·
Like
Nazmy Ahmed
صجونى ولادى النهارده الصبحيه
قالولى إلحق جالك جواب من الكليه
مكتوب فيه أننى كنت ساقط فى ماده الوصفيه
يا أخوانا إزاى ده أنا بقالى سنين متخرج من دى الكليه
بعد خمسين سنه جاى تقوللى إمتحن وصفيه
ده أنا نسيت يعنى إيه إفراد ولا إسقاط الأشكال ديه
رحت جرى للناس إللى بتفهم فى الشئون القانونيه
كلهم أجمعوا على أن الكلام ده جائز
بس من حقى أطلب أن يكون إمتحان عجايز
وطمنونى إنى موش لوحدى فى هذا الموضوع
لأنه إتضح بالبحث أن الموضوع له كثير من الفروع
وانه فيه كثير من المهندسين خريجين الكليه
ساقطين فى ماده الهندسه الوصفيه
وإتضح إن منهم واحد إسمه علوى عبدالعزيز سيف الدين
مطلوب إعاده إمتحانه رغم إنه عدى سن الستين
وواحد تانى خطير إسمه نمير هربان فى بلد غير بلدنا ديه
وسيتم إستدعاؤه للأمتحان فى الوصفيه عن طريق المحكمه الدوليه
أما سمير الدرديرى من إفتراه وسقوطه فى الوصفيه هرب بره وأخذ دكتوراه
الوصفيه بالنسبه لك ياسمير مانش كوره وإنت خسرته والمطلوب إعاده المباراه
احمد رفاعى فاكر إنه هرب لأنه قسم عماره ومستخبى فى الكويت
إنت بالذات مطلوب لانك كنت إللى بيطبع ويبيع الشيت
زايد طلع ساقط جنب الوصفيه فى اللغه الأنجليزيه
والمصيبه الأكبر إنه طلع ساقط إعداديه
ده الوحيد فينا إللى ناويين يرجعوه للمدرسه الأبنتدائيه
وفى إتجاه عندهم فى حاله أن لم يفلح سيرجعوه للحضانه النموذجيه
على إيه كل ده يا إخوانا .. أنا متنازل عن الشهاده ديه بس ما إمتحنش فى الوصفيه
23 hours ago
·
Like
·
2 people
Mohamed Sourour
هل سيأثر هذا على معاش النقابة ومنين حنجيب مصروف للاحفاد لو النقابة عرفت اصل الجواب وصلنى وانا اتكسفت اقولك
15 hours ago
·
Like
Nazmy Ahmed
انا ما فلتش عليك يا سرور لأننى كنت خايف أن تكون مغرور
أنا عارف إنك ساقط وصفيه وانك قلت للناس صارخا حرام عليكم إستروا عليه
أنا سألت لك فى موضوع النقايه .. وقالوا ما تخقش عليه ده من الناس الغلابه
كل إللى حيعملوه للعالم ديه إنه حيختموا على كارنيهه .. ساقط وصفيه
14 hours ago
·
Like
Mohamed Sourour
والله يا نمير انا كلما رجعت لهذه الايام والمثالية التى كنا فيها وانظر للواقع الذى نمارسه اجد الهوة واسعة جدا وقد كانت تزداد سعة كلما تقدمنا فى العمر واعتقد ان هذا هو ما يربطنا الان وهو التماس اخلاقيات هذه الايام بضغوطها وانكساراتها ونجاحتها
سقوط فى مادة ولا حتى دبلر نجاح فى اخرى وتقدير اعتصامات وسجن الحضرة معسكرات ونوم على ارفف القطار سواء مطروح او اسوان مشاعر جميله للزميلات تكتمل او لا تكتمل ولكنها غالبا صادقة .......كفاية كده احسن المشاعر ستغلبنى
14 hours ago
·
Like
Nazmy Ahmed
على رأيك ياسرور مشاعرنا كانت جميله للزميلات
وكان كل تعاملنا معهم بنقاء لأنهم كلهم كانوا لنا إخوات
مشاعرنا كانت فقط يتغلبنا مغ بنات بقيه الكليات
بنات كليتنا كانت طموحاتهم وتطلعاتهم تفوق ما لدبنا من الأمكانيات
مجمع الكليات النظريه مليان بالبنات القانعه بما لدينا من فتات
كننا فرحانين بزميلاتنا كأخوات وكفايه علينا الكليات النظريه بما فيها من سهوكه وإبتسامات
14 hours ago
·
Like
·
1 person
Mohamed Sourour
رواد بوفيه الاداب
14 hours ago
·
Like
Nazmy Ahmed
لاتنسى كليه التجاره زمعهد التمريض
13 hours ago
·
Like
Namir Noseir
فى الواقع كان فيه بنات هندسه جميلات و شطار فى الدراسه و ما كان عندهم أى مشكله فى التعرف أكتر على شباب الهندسه و كان بيصيبهم الدهشه و فى بعض الحالات الغضب إن شباب الهندسه بيدور على مستقبله فى كليات اخرى .......يعنى الشباب الهندسى كان واخد الانطباع الخطأ عن شابات الهندسه , و لو مش مصدقينى , إسألوهم الان و حتعرفوا الحقيقه!
12 hours ago
·
Like
Nazmy Ahmed
فى ناس كثير منا قدروا المهندسات .. وإختاروا منهم أحلى الزوجات
علوى بص يمين وشمال وراح مطرح ما أخذته الــ عواطف
زايد كان نفسه حد يشكمه وفى الأخر يحكمه
وبالطبع هوه موش عاوز يبقى ملك فأختار ملكه
احمد رفاعى راج فى الرجلين
لأنه هوه وزايد إتجوزوا أختين
فؤاد الحداد طول عمره فى حاله وساكن
ولكن إتشنكل وأتجوز أول ماشاف إبتسامه فاتن
محمد الدرديرى كان بينظر للموضوغ بإستخفاف
ولكنه فى الأخر ربنا نصفه وإتجوز عفاف
نمير وسمير من كتر ما أكلوا عند بشندى
راحوا جرى وأكلوا يالسمنه الهولندى
11 hours ago
·
Like
Newer Posts
Older Posts
Home
Subscribe to:
Posts (Atom)